गडचिरोली | --°C | --°C |
गडचिरोली, ता.१३:रायफल स्वच्छ करताना गोळी लागल्याने एका पोलिस शिपायाचा मृत्यू झाला..संजीव रामय्या शेट्टीवार(३०) रा.नरहसिंहापल्ली, ता.सिरोंचा असे मृत शिपायाचे नाव आहे.
संजीव शेट्टीवार हा मागील दोन वर्षापासून सिरोंचा पोलिस ठाण्यात जलद प्रतिसाद पथकात कार्यरत होता. आपल्या कुटुंबासह तो सीआरपीएफ कँम्प परिसरात राहात होता. आज सकाळी घरी असतांना संजीव शेट्टीवार हा रायफल साफसफाई करीत असताना गोळी सुटून ती लागली. यात तो गंभीर जखमी झाला.सिरोंचा येथील सरकारी रुग्णालयात प्राथमिक उपचारानंतर त्याला वरंगल येथील एका खासगी रुग्णालयात भरती केले असता उपचारादरम्यान त्याचा मृत्यू झाला. दरम्यान गोळी चुकून लागली की, त्याने आत्महत्या केली, याबाबत शंकाकुशंकांना पेव फुटले आहे.