गडचिरोली, ता़१३
रेल्वेत चढत असताना तोल गेल्याने एका इसमाचा मृत्यू झाल्याची आज(ता़१३)सकाळी साडेनऊ वाजताच्या सुमारास वडसा रेल्वेस्थानकावर घडली़ शरद गोंदरू खंडाळकर(४५)रा़वैरागड असे मृत इसमाचे नाव आहे़
शरद खंडाळकर हे आपल्या नातीसमवेत वडसा रेल्वेस्थानकावर आले होते़ बल्लारपूर-गोंदिया गाडीत चढत असताना तोल गेल्याने ते खाली रेल्वेच्या चाकाखाली आले़ यातच त्यांचा मृत्यू झाला़ मात्र, त्यांनी नातीला दूर फेकल्याने ती बचावली़, असे सांगितले जात आहे़ देसाईगंज पोलिस घटनेचा तपास करीत आहेत़