गडचिरोली | --°C | --°C |
गडचिरोली, ता.१०: वंचित बहुजन आघाडीचे राष्ट्रीय नेते अॅड. बाळासाहेब आंबेडकर यांच्या वाढदिवसानिमित्त भारिप बमसंच्या कार्यकर्त्यांनी नुकतेच पाणीटंचाई असलेल्या वैरागड येथे टँकरद्वारे पाणीपुरवठा केला.
आरमोरी तालुक्यातील वैरागड येथे पाणीटंचाई असून, महिलांना त्रास सहन करावा लागत आहे. त्यामुळे भारिप बहुजन महासंघाचे जिल्हाध्यक्ष बाळू टेंभुर्णे, प्रा.हंसराज बडोले, डाकराम वाघमारे, योगेंद्र बांगरे, मालाताई भजगवळी,भिमराव ढवळे, डॉ. योगेश नंदेश्वर, मनोज घायवान, सुरेश खोब्रागडे यांनी पाण्याचा टँकर वैरागड येथे नेऊन नागरिकांना पाणी उपलब्ध करुन दिले.
अॅड. बाळासाहेब आंबेडकर यांच्या वाढदिवसानिमित्त भारिप बमसंने पाणी वाटप कार्यक्रम हाती घेतला असून, ज्या गावात भीषण पाणीटंचाई आहे; तेथे पक्षाच्या वतीने पाणीपुरवठा करण्यात येणार असल्याची माहिती बाळू टेंभुर्णे यांनी दिली.