गडचिरोली | --°C | --°C |
गडचिरोली, ता.११: लोकसभा निवडणुकीच्या पार्श्वभूमीवर आज नक्षल्यांनी ३ ठिकाणी मतदान केंद्रांवर हल्ला चढविला. एटापल्ली तालुक्यातील परसलगोंदी येथे झालेल्या हल्ल्यात २ जवान जखमी झाले.
एटापल्ली तालुक्यातील परसलगोंदी मतदान केंद्रावरुन सी-६० पथकाचे जवान बेस कॅम्पवर परतत असताना नक्षल्यांनी स्फोट घडवून आणला आणि त्यानंतर त्यांच्यावर गोळीबार केला. पोलिसांनीही जोरदार प्रत्युतर दिले. मात्र, या हल्ल्यात दोन जवान जखमी झाले. जखमी जवानांना नागपूरला हलविण्यात आले आहे. याच तालुक्यातील टिटोडा गावानजीक नक्षल्यांनी पेरुन ठेवलेली स्फोटके ताब्यात घेण्यात पोलिसांना यश आले. धानोरा तालुक्यातील तुमडीकसा मतदान केंद्रावरुन मतदान पथकासह जाताना नक्षल्यांनी पोलिसांवर गोळीबार केला. मात्र, पोलिसांनी जोरदार प्रत्युतर देताच नक्षली पळून गेले. सकाळी साडेअकरा वाजताच्या सुमारास वाघेझरी येथील जुन्या मतदार केंद्राजवळ स्फोट घडविला होता. मात्र, त्यात कुणीही जखमी झाले नाही.