गडचिरोली | --°C | --°C |
गडचिरोली, ता.११: मतदान करुन गावाकडे परत जात असताना ट्रॅक्टर उलटल्याने ४ जण ठार, तर १० जण जखमी झाल्याची घटना आज दुपारी २ वाजताच्या सुमारास देसाईगंज तालुक्यातील शंकरपूर गावाजवळ घडली.
मृतकांमध्ये तीन महिलांचा समावेश आहे. जखमींना देसाईगंज येथील ग्रामीण रुग्णालयात भरती करण्यात आले आहे. घटनेनंतर
आज सायंकाळी खासदार अशोक नेते यांनी रुग्णालयात जाऊन जखमीची विचारपूस केली व योग्य उपचार करण्याचा सूचना डाँक्टरांना दिल्या.
यावेळी भाजयुमोचे जिल्हा महामंत्री संजय बारापात्रे, तालुकाध्यक्ष राजू जेठाणी भाजपा पदाधिकारी उपस्थित होते.
यावेळी खासदार अशोकजी नेते यांनी मृतक व जखमींच्या कुटुंबातील सदस्यांना शासनाकडून आर्थिक मदत मिळवुन देण्याचे आश्वासन दिले. देसाईगंज पोलिस घटनेचा तपास करीत आहेत.