ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली, ता.८: एका शैक्षणिक संस्थेला शासकीय जमीन अदा करण्याकरिता ग्रामपंचायतीचा ठराव घेऊन तो मंजूर करण्याच्या कामाकरिता संबंधित संस्थेच्या प्रमुखाकडून ९० हजार रुपयांची लाच मागताना लाचलुचपत प्रतिबंधक विभागाच्या अधिकाऱ्यांनी आज गडचिरोली तालुक्यातील खरपुंडी ग्रामपंचायतीची ग्रामसेविका, सरपंच व उपसरपंचास अटक केली. अर्चना बाळासाहेब श्रीगिरीवार(४६)(ग्रामसेविका), आनंदराव दादाजी नैताम(४६)(सरपंच) व कमलेश अशोक खोब्रागडे(२९)(उपसरपंच), अशी आरोपीची नावे आहेत.

एसीबीने दिलेल्या माहितीनुसार, तक्रारकर्ता हा राजर्षि शाहू महाराज शैक्षणिक संस्थेचा प्रमुख असून, त्याला शैक्षणिक कामाकरिता खरपुंडी येथील शासकीय जमीन हवी होती. त्यासाठी जमिनीचे भोगवटा मूल्य भरुन जमीन अदा करण्याचा ठराव घेऊन तो मंजूर करण्यासाठी ग्रामसेविका अर्चना बाळासाहेब श्रीगिरीवार, सरपंच आनंदराव दादाजी नैताम व उपसरपंच कमलेश अशोक खोब्रागडे यांनी तक्रारदारास प्रत्येकी ५० हजार अशा एकूण दीड लाख रुपयांची लाच मागितली. तडजोडीअंती ते १ लाख २० हजार रुपये(ग्रामसेविका ४० हजार रुपये, सरपंच ५० हजार रुपये व उपसरपंच ३० हजार रुपये) स्वीकारण्यास तयार झाले.

मात्र, लाच देण्याची तक्रारकर्त्याची मुळीच इच्छा नसल्याने त्याने गडचिरोलीच्या लाचलुचपत प्रतिबंधक विभागाकडे तक्रार केली. 

त्यानुसार एसीबीच्या अधिकाऱ्यांनी आज सापळा रचून तक्रारकर्त्याकडून पहिला हप्ता म्हणून ९० हजार रुपयांची(ग्रामसेविका ४० हजार रुपये, सरपंच २५ हजार रुपये व उपसरपंच २५ हजार रुपये) लाच मागताना तिघांनाही पकडले. तिघांवरही गडचिरोली पोलिस ठाण्यात लाचलुचपत प्रतिबंधक कायद्यान्वये गुन्हा दाखल करण्यात आला आहे.

एसीबीचे पोलिस अधीक्षक श्रीकांत धिवरे, अपर पोलिस अधीक्षक राजेश दुधलवार, उपअधीक्षक विजय माहुलकर, डी.एम.घुगे यांच्या मार्गदर्शनाखाली पोलिस निरीक्षक रवी राजुलवार, सहायक फौजदार मोरेश्वर लाकडे, हवालदार प्रमोद ढोरे, नथ्थू धोटे, सतीश कत्तीवार, सुधाकर दंडिकवार, देवेंद्र लोनबले, गणेश वासेकर, महेश कुकुडकर, किशोर ठाकूर, सोनी तावाडे, सोनल आत्राम व तुळशीराम नवघरे, घनश्याम वडेट्टीवार आदींनी ही कारवाई केली.