ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली, ता.८: राज्य शासनाच्या शालेय शिक्षण व क्रीडा विभागाने शिक्षण विभागातील २५ अधिकाऱ्यांची पदोन्नतीवर पदस्थापना केली आहे. राघवेंद्र मुनघाटे यांची गडचिरोली जिल्हा परिषदेचे शिक्षणाधिकारी(प्राथमिक), तर राजकुमार निकम यांची शिक्षणाधिकारी(माध्यमिक) म्हणून शासनाने पदोन्नतीवर पदास्थापना केली आहे. मुनघाटे व निकम यांच्या नियुक्तीमुळे अनेक दिवसांनंतर जिल्हा परिषदेला पूर्णवेळ शिक्षणाधिकारी मिळाले आहेत.

राघवेंद्र मुनघाटे हे गडचिरोली तालुक्यातील कुराडी येथील मूळ रहिवासी आहेत. यापूर्वी ते वर्धा जिल्ह्यातील आर्वी पंचायत समितीत गटशिक्षणाधिकारी पदावर कार्यरत होते. गडचिरोली जिल्हा परिषदेत शिक्षणाधिकारी(प्राथमिक) व शिक्षणाधिकारी(माध्यमिक)ही दोन्ही पदे अनेक महिन्यांपासून रिक्त होती. दोन्ही पदांचा डोलारा प्रभारी अधिकाऱ्यांवर सुरु होता. आता दोन्ही विभागांना पूर्णवेळ शिक्षणाधिकारी मिळाले आहेत. विशेष म्हणजे, गडचिरोली जिल्हा परिषदेत गटशिक्षणाधिकाऱ्यांची तब्बल १० पदे रिक्त असून, अनेक शिक्षणविस्तार अधिकाऱ्यांच्या जागांनाही कुणीच वाली नाही. त्यामुळे नव्या शिक्षणाधिकाऱ्यांपुढे गडचिरोलीसारख्या विस्तीर्ण जिल्ह्यातील शैक्षणिक कामे सुलभ करण्याचे आव्हान असणार आहे.