ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली, ता.१५: केंद्रीय दळणवळण व जहाज बांधणी मंत्री नितीन गडकरी व मुख्यमंत्री देवेंद्र फडणवीस हे सोमवारी(ता.१८) गडचिरोली येथे येणार असून, मागील पाच वर्षांत केंद्र व राज्य शासनाच्या निधीतून जिल्ह्यात झालेल्या विविध कामांचे ई-लोकार्पण त्यांच्या हस्ते होणार आहे.

खासदार अशोक नेते यांच्या जनसंपर्क कार्यालयाने दिलेल्या माहितीनुसार, नितीन गडकरी व देवेंद्र फडणवीस यांच्या हस्ते १८ फेब्रुवारीला सकाळी १० वाजता गडचिरोली येथील कृषी महाविद्यालयाच्या मैदानावर प्रस्तावित कामांचे भूमिपूजन व झालेल्या कामांचे ई-लोकार्पण करण्यात येणार आहे. या कार्यक्रमाला केंद्रीय गृहराज्यमंत्री हंसराज अहीर, राज्याचे सार्वजनिक बांधकाम व महसुल मंत्री चंद्रकांत पाटील, वित्तमंत्री सुधीर मुनगंटीवार, आदिवासी विकास राज्यमंत्री अम्ब्रिशराव आत्राम हेदेखील उपस्थित राहणार आहेत.

या कार्यक्रमाला गडचिरोली-चिमूर लोकसभा क्षेत्रातील नागरिक व भाजपच्या कार्यकर्त्यांनी मोठ्या संख्येने उपस्थित राहावे, असे आवाहन भारतीय जनता पक्षाचे जिल्हाध्यक्ष खा.अशोक नेते यांनी केले आहे.