ठळक बातम्या

• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..

गडचिरोली, ता.७: अन्न व औषध प्रशासनाने जप्त केलेला तेलाचा साठा नष्ट करुन या विभागाच्या अधिकाऱ्यांशी हुज्जत घातल्याप्रकरणी देसाईगंज पोलिसांनी गणपती ट्रेडर्सचे मालक रवी माधवदास मोटवानी याच्यावर गुन्हा दाखल केला आहे.

अन्न व औषध प्रशासनाने दिलेल्या माहितीनुसार, या विभागाच्या अधिकाऱ्यांनी देसाईगंज शहरातील तुकुम वॉर्डातील मे. गणपती ट्रेडर्स, प्रॉपर्टी क्र ५४१, या पेढीची तपासणी केली असता तेथे तेल पॅक करताना टिनाच्या पिंपाचा फेरवापर होत असल्याचे आढळले. त्यामुळे अधिकाऱ्यांनी या पेढीचे प्रत्येकी १५ किलोचे २१४ पिंप १ नोव्हेंबर २०१८ रोजी जप्त करून ठेवले होते. या साठ्याची फेरतपासणी करण्यासाठी ६ फेब्रुवारी २०१९ रोजी अन्न व औषध प्रशासनाचे सहायक आयुक्त स. कृ. कांबळे व अन्न सुरक्षा अधिकारी प्र. श. कुचेकर यांच्या नेतृत्वातील पथक त्या ठिकाणी गेले असता तेथे जप्त केलेला साठा आढळला नाही. तसेच पेढीमालक रवी माधवदास मोटवानी, रा. सिंधी कॉलनी, देसाईगंज याने प्रशासनाशी हुज्जत घालून उडवाउडवीची उत्तरे दिली. त्यामुळे जप्त केलेला तेलाचा साठा विकला असल्याचे किंवा नष्ट केला असल्याचे किंवा इतरत्र हलवला असल्याचे दिसून आले. त्यामुळे प्र. श. कुचेकर यांनी जप्त साठा नष्ट न करण्याच्या, इतरत्र न हलवण्याचा आदेशाचा भंग होत असल्याने पेढीमालकाविरुद्ध देसाईगंज पोलिस ठाण्यात तक्रार केली. त्यावरुन पोलिसांनी रवी मोटवानी याच्यावर भादंवि कलम १८६,१८८ व अन्न सुरक्षा व मानदे कलम ५५ व ६० अन्वये गुन्हा दाखल आला आहे. 

ही कारवाई अन्न व औषध प्रशासन, नागपूरचे सहआयुक्त श. रा. केकरे यांच्या मार्गदर्शनात करण्यात आली.