गडचिरोली | --°C | --°C |
चंद्रपूर, ता.२०: येथील शिवसेनेचे माजी सहसंपर्कप्रमुख रमेश तिवारी(४७) यांचं आज दुपारी ३ वाजता नागपूरच्या खासगी रुग्णालयात कर्करोगानं निधन झालं,
काही दिवसांपूर्वीच रमेश तिवारी यांच्या गळ्यात गाठ आली होती. परंतु कामाच्या दगदगीत त्यांनी चंद्रपूरमध्येच उपचार करण्यास सुरुवात केली, मध्यंतरी मुंबईला जात असताना त्यांना वाटेतच त्रास सुरू झाला व लगेच त्यांना नागपूरमधील खासगी रुग्णालयात दाखल करण्यात आले.
डॉक्टरांनी ताबडतोब उपचार करण्यास सुरुवात केली, गाठेची तपासणी केली असता त्यांना कर्करोग झाल्याचं निदान झालं. दोन दिवसांपूर्वी त्यांच्या फुफ्फुसांनी काम करणे बंद केले, त्यामुळे त्यांना व्हेंटिलेटरवर ठेवण्यात आले होते. आज त्यांचं नागपुरात निधन झालं.
ही दुःखद वार्ता कळताच शिवसैनिकांत शोककळा पसरली, जिल्ह्यात शिवसेना जिवंत ठेवण्यात रमेश तिवारी यांचा सिंहाचा वाटा होता. त्यांच्या निधनानं शिवसेनेची मोठी हानी झाली आहे. रमेश तिवारी मागील ३० वर्षांपासून शिवसेनेते कार्यरत होते. शिवसेनाप्रणीत किसान सेना उपजिल्हाप्रमुख, शिवसेना उपशहरप्रमुख, उपजिल्हाप्रमुख, जिल्हाप्रमुख व जिल्हा सहसंपर्कप्रमुख अशी विविध पदे त्यांनी भूषविली होती.