ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली, ता.२७: बहुप्रतीक्षित आरमोरी नगर परिषदेची निवडणूक पुढील वर्षी २७ जानेवारी रोजी घेण्यात येणार असल्याची घोषणा आज राज्य निवडणूक आयोगाने केली.

राज्य निवडणूक आयोगाने आज निवडणुकीची अधिसूचना जारी केली. कर्जत(जि.रायगड), श्रीगोंदा(जि.अहमदनगर) व आरमोरी(जि.गडचिरोली) या नगर परिषदा व महादुला(जि.नागपूर) नगर पंचायतीच्या सार्वत्रिक, तर तसेच विविध नगर परिषदा व नगर पंचायतींमधील ११ रिक्त पदांसाठी पोटनिवडणूक घेण्यात येणार आहे. या कार्यक्रमानुसार, २ ते ९ जानेवारी २०१९ या कालावधीत सकाळी ११ ते दुपारी ३ वाजतापर्यंत नामनिर्देशनपत्रे स्वीकारण्यात येतील. १० जानेवारी रोजी नामनिर्देशनपत्रांची छाननी करुन वैध उमेदवारांची यादी प्रसिद्ध करण्यात येईल. १७ जानेवारी ही नामनिर्देशनपत्र मागे घेण्याची अंतिम तारीख आहे. २७ जानेवारी रोजी मतदान घेण्यात येईल, तर २८ तारखेला मतमोजणी करण्यात येईल. निवडणूक आयोगाने निवडणुकीचा कार्यक्रम जाहीर केला असला, तरी कोणत्याही रिट याचिकेमध्ये न्यायालयाचा स्थगिती आदेश प्राप्त झाल्यास निवडणूक कार्यक्रम तत्काळ रद्द वा स्थगित करुन आयोगास अवगत करावे, असे निवडणूक आयोगाने संबंधित जिल्हाधिकाऱ्यांना सांगितले आहे.