गुरुवार, 28 मार्च 2024
लक्षवेधी :
  अखेर मार्कडेश्वर मंदिराच्या जीर्णोद्धाराच्या कामाचा शुभारंभ             गडचिरोली: जिल्हाधिकाऱ्यांच्या निवासस्थानातील सुरक्षा रक्षकाची गोळी झाडून आत्महत्या           

नक्षल्यांनी रस्त्याच्या कामावरील जेसीबी जाळली

Friday, 21st December 2018 07:05:17 AM

गडचिरोली, ता.२१: सशस्त्र नक्षल्यांनी आज भर दुपारी रस्त्याच्या कामावरील जेसीबी वाहन जाळून मजुरांना मारहाण केल्याची घटना एटापल्ली तालुक्यातील गट्टा(जांभिया)पोलिस मदत केंद्रांतर्गत गट्टागुडा गावानजीक घडली.

गट्टागुडा हे गाव गट्टा पोलिस मदत केंद्रापासून अडीच किलोमीटर अंतरावर आहे. तेथे रस्त्याचे काम सुरु असून, जेसीबी व अन्य वाहने आहेत. काम सुरु असताना आज दुपारी ३ वाजताच्या सुमारास २० ते २५ सशस्त्र नक्षली कामाच्या ठिकाणी गेले. त्यांनी काही मजुरांना धमकावून मारहाण केली आणि नंतर जेसीबी वाहन जाळून टाकले. यामुळे परिसरात दहशत निर्माण झाली आहे. नक्षल्यांनी रस्त्याच्या कामावरील वाहन जाळण्याची ही २२ दिवसांतील दुसरी घटना आहे.

३० नोव्हेंबरच्या रात्री नक्षल्यांनी एटापल्ली तालुक्यातील वटेपल्ली-गटेपल्ली रस्त्याच्या कामावरील १६ वाहने जाळून टाकली होती. यात १० जेसीबी, ३ ट्रॅक्टर्स, २ मोटारसायकली व १ पिकअप इत्यादी वाहनांचा समावेश होता. नक्षल चळवळीची सूत्रे गणपतीकडून गगन्नाकडे आल्यानंतर नक्षली अधिक हिंसाचार करु लागल्याचे दिसत आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
VVKCK
  © 2014 - 2024 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना