ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

कुरखेडा, ता.१: स्थानिक नगरपंचायतीच्या विषय समितीच्या सभापतिपदाकरिता आज झालेल्या निवडणुकीत विरोधी पक्ष असलेल्या शिवसेनेला दोन, तर काँग्रेस व सत्तारूढ भाजपकडे प्रत्येकी एक पद मिळाले.

नगरपंचायतीच्या विषय समितीच्या निवडणुकीसाठी शनिवारी नगरपंचायतच्या सभागृहात विशेष सभेचे आयोजन करण्यात आले होते. सर्वप्रथम उपाध्यक्ष कोणत्या विषय समितीचे सभापती राहतील, याची निवड करण्यात आली. यावेळी सत्तारूढ भाजपने केलेल्या बांधकाम समितीच्या मागणीवर मतदान घेण्यात आले असता सत्तारूढ गटाच्या ९ व कांग्रेसच्या एका नगरसेविकेने हात उंचावून मतदान केल्याने १० विरुद्ध ८ अशा मताधिक्याने भाजपने बांधकाम समितीच्या सभापतिपदावर कब्जा केला.

उपाध्यक्ष तथा प्रभारी नगराध्यक्ष रवींद्र गोटेफोडे यांच्याकडे बांधकाम समितीचे सभापतिपद आले. पाणीपुरवठा समितीच्या सभापतिपदी शिवसेनेच्या अनिता बोरकर, महिला व बालकल्याण समिती सभापतिपदी चित्रा गजभिये, तर कांग्रेसचे मनोज सिडाम यांची आरोग्य व स्वच्छता समितीच्या सभापतिपदावर दुसऱ्यांदा वर्णी लागली.

बांधकाम समितीच्या निवडणुकीदरम्यान माजी उपाध्यक्षा कांग्रेसच्या नगरसेविका जयश्री धाबेकर यांनी सत्तारूढ भाजपच्या बाजूने मतदान केल्याने सभागृहाबाहेर कांग्रेस व शिवसेनेच्या नगरसेवकामध्ये जोरदार खडाजंगी पहावयास मिळाली. यामुळे काही वेळ तणावाची परिस्थिती निर्माण झाली होती. निवडणुकीचा निकाल जाहीर होताच दोन्ही गटांकडून गुलाल उधळून व फटाके फोडून विजयोत्सव साजरा करण्यात आला.  याप्रसंगी भाजपाचे तालुकाध्यक्ष राम लांजेवार, जिल्हा सचिव विलास गावंडे, शिवसेना जिल्हाप्रमुख सुरेंद्रसिंह चंदेल, तालुकाप्रमुख आशिष काळे, कांग्रेस नेते तथा माजी जिप उपाध्यक्ष जीवन नाट, तालुकाध्यक्ष जयंत हरडे प्रामुख्याने उपस्थित होते.