गडचिरोली | --°C | --°C |
धानोरा, ता.२७: संपूर्ण देश संविधान दिवस साजरा करीत असताना आदिवासीबहुल गावांतील माणूसही मागे राहिला नाही. मुलभूत सुविधांचा अभाव असलेल्या कटेझरी क्रमांक २ या अतिदुर्गम गावातील आदिवासींनी संविधान दिवस साजरा करुन बाबासाहेबांप्रती आपले ऋण व्यक्त केले.
कार्यक्रमाच्या अध्यक्षस्थानी भिमाजी कोल्हे, तर प्रमुख पाहुणे म्हणून वनाधिकारी श्री.गेडाम, 'गावकल्याणकारी संस्था खुटगाव'चे उपाध्यक्ष गणपत कोल्हे, संस्थेचे सदस्य गंगाराम आचला उशीरपार, वासुदेव आचला मुंजालगोंदी, श्री.कल्लो झेंडेपार, भारतसाय कुंजाम आलोंडी, भगतसिंग तुलावी देवसूर, नांगसु गावळे गुरेकसा उपस्थित होते. याशिवाय प्रत्येक गावातील गाव पाटील, भूमिया, ग्रामसभेचे अध्यक्ष, सचिव व नागरिक मोठ्या संख्येने उपस्थित होते. पाहुण्यांनी भारतीय संविधानाचे महत्व विशद करुन बाबासाहेब आंबेडकरांच्या योगदानावर प्रकाश टाकला.
यावेळी संविधानाच्या उद्देश पत्रिकेचे वाचन करण्यात आले. मुरूमगाव इलाख्यातील तब्बल ४० ग्रामसभांमधील लोकांनी या कार्यक्रमात सहभाग दर्शवला.