गडचिरोली | --°C | --°C |
कुरखेडा, ता.१६: अज्ञात चारचाकी वाहनाच्या धडकेत दोन मोटारसायकलस्वार जागीच ठार झाल्याची घटना काल(ता.१५) रात्री साडेनऊ वाजताच्या सुमारास कुरखेडा-कोरची मार्गावरील पुराडा गावापासून दीड किलोमीटर अंतरावर घडली. पंकज नरोटे(२१) व यशवंत किरंगे(३२) दोघेही रा.डोंगरगाव, ता.कुरखेडा अशी मृतकांची नावे आहेत.
पंकज व यशवंत दोघेही मोटारसायकलने पुराडावरून डोंगरगावला जात असताना रात्री साडेनऊ वाजताच्या सुमारास पुराडापासून दीड किलोमीटर अंतरावर अज्ञात चारचाकी वाहनाने त्यांच्या मोटारसायकलला जबर धडक दिली. यात दोघेही जागीच ठार झाले. पुराडा पोलिस ठाण्यात अपघाताची नोंद करण्यात आली असून, ठाणेदार उमेश महाले यांच्या मार्गदर्शनाखाली पोलिस उपनिरीक्षक सुखदेव गोदे घटनेचा तपास करीत आहेत.