गडचिरोली | --°C | --°C |
धानोरा, ता.१५: येथील पोलिसांनी आज भल्या पहाटे ३ लाख ८४ हजारांच्या देशी दारुसह एक पिकअप वाहन जप्त केले. या प्रकरणातील आरोपी पिंटू मंडल फरार झाला आहे.
पोलिसांनी दिलेल्या माहितीनुसार, पोलिस उपनिरीक्षक भागवत कदम हे आपल्या सहकाऱ्यांसह गस्तीवर असताना धानोरा शहरापासून पूर्वेस १ किलोमीटर अंतरावरील शिवाराकडून एक वाहन येताना दिसले. वाहन थांबवून तपासणी केली असता त्यात ३ लाख ८४ हजार रुपये किंमतीच्या रॉकेट संत्रा कंपनीच्या देशी दारुच्या ३८ पेट्या आढळून आल्या. पोलिसांनी ही दारु व अशोक लेलँड कंपनीचे सीजी १९-बीएच ६३५६ क्रमांकाचे पिकअप वाहन(किंमत ३ लाख ४ हजार रुपये) असा एकूण ६ लाख ८४ हजार रुपयांचा माल जप्त केला. आरोपी पिंटू मंडल फरार आहे.