गडचिरोली | --°C | --°C |
कुरखेडा, ता.१२: तालुक्यातील सोनसरी परिसरात नरभक्षक बिबट्याची दहशत कायम असून, या बिबट्याने सोनसरी येथील एका गोठयात बांधलेल्या वासराच्या नरडीचा घोट घेऊन ठार मारल्याची घटना आज पहाटे पाच वाजताच्या सुमारास घडली.
पंधरा दिवसापूर्वी सोनसरीपासून दोन किलोमीटर अंतरावर असलेल्या बांधगाव येथील जंगलात या बिबट्याने एका बेचाळीस वर्षीय इसमाला ठार केल्याची घटना ताजी असतानाच आज सोनसरी येथील विजय यशवंत गुरुकर यांच्या गोठयात बांधलेल्या वासराच्या नरडीचा घोट घेऊन ठार मारले. घटनेची माहिती वनविभागाला देण्यात आली. त्यानंतर देलनवाडीचे वनपरिक्षेत्राधिकारी कैलास धोंडणे, सोनसरीचे क्षेत्र सहायक चन्नावार, वनरक्षक नन्नावरे यांनी घटनास्थळी जाऊन पंचनामा केला.
या घटनेने परिसरात भीतीचे वातावरण निर्माण झाले असून, वनविभागाने याची दखल घेऊन बिबट्याचा त्वरित बंदोबस्त करावा, अशी मागणी परिसरातील नागरिकांनी केली आहे.