गडचिरोली | --°C | --°C |
गडचिरोली, ता.४: काँग्रेसचे विधिमंडळ उपनेते आ.विजय वडेट्टीवार यांच्या निवासस्थानी आज माडेतुकुम व विवेकानंदनगरातील अनेक कार्यकर्त्यांनी काँग्रेसमध्ये प्रवेश केला.
याप्रसंगी जिल्हा परिषद सदस्य अॅड.राम मेश्राम व अन्य पदाधिकारी उपस्थित होते. विविध पक्षातून काँग्रेसमध्ये प्रवेश करणाऱ्यांमध्ये माडेतुकुम येथील वसंत मेश्राम, दादाजी कोल्हटकर, प्रफुल्ल कोल्हटकर, रमेश गेडाम, प्रवीण गेडाम, पंकज गेडाम, रामकृष्ण मेश्राम, भाऊराव भांडेकर, परशुराम कुंकलवार, प्रकाश कुंकलवार, तुकाराम लाडे, हिरामण सहारे, विवेकानंदनगर येथील जीवनदास मेश्राम, फिरोज पठाण, राजू मेश्राम, संजय बोटसरे, लालाजी दिवाडे, गिरीधर गगपल्लीवार, नागेंद्र शुद्धावार, स्वप्नील निमगडे, जयदीप चिलबुले, मुकुंदा डोंगरे व प्रकाश बुरांडे यांचा समावेश आहे. आ.वडेट्टीवार यांनी सर्वांचे काँग्रेसचा दुपट्टा देऊन स्वागत केले.
याप्रसंगी आ.वडेट्टीवार म्हणाले की, भाजप सरकार भ्रष्टाचारात आकंठ बुडालेले असून, पराभव दिसू लागताच आता राममंदिराचा मुद्दा पुढे केला जात आहे. हिंदू धर्म खतरे में है, असे सांगून साध्याभोळ्या हिंदूना फसवले जात आहे. इंग्रज येण्यापूर्वी भारतावर पाचशे वर्षे मोघलांनी राज्य केले. तेव्हा हिंदू खतरे में नव्हता. मग, आता लोकशाही राज्यात तो कसा धोक्यात आहे, असा सवाल आ.वडेट्टीवार यांनी केला.