गडचिरोली | --°C | --°C |
आरमोरी, ता.२९: शासनाच्या नवीन शैक्षणिक धोरणानुसार, दोनशे घरांची लोकवस्ती असलेल्या ठिकाणीदेखील पूर्व प्राथमिक शाळा, प्राथमिक शाळा, अंगणवाडी, बालवाडी, पाळणाघर, वस्तीशाळा उघडण्यात येणार आहे. त्यासाठी प्रशिक्षित शिक्षकांची गरज आहे. त्यासाठी आवश्यक असलेला माँटेसरी अभ्यासक्रम आरमोरी येथे सुरु करण्यात आला आहे.
बालकांची देखभाल, सुसंस्कार, बालकांचे आरोग्य, शिक्षण यासारख्या अनेक बाबींवर लक्ष केंद्रित करुन कुटुंब सुसंस्कारित करणे गरजेचे आहे. मुलांचा व स्वत:चा सर्वांगिण विकास करावयाचा असेल तर डिप्लोमा इन नर्सरी टिचर ट्रेनिंग(माँटेसरी)हा अभ्यासक्रम अत्यंत महत्वाचा असून, आत्मविश्वासाने अध्यापन करता यावे, याचे उत्कृष्ट प्रशिक्षण दिले जाते.
९ महिने कालावधीच्या नर्सरी इन टिचर ट्रेनिंगमध्ये बाल शिक्षणाची गरज, काळजी, शिक्षण, बालविकास, बालकांची वाढ आणि आरोग्य, म्युझिक, सामाजिक विकास, शाळेतील वाचन आणि शिक्षण, क्लासरुम मॅनेजमेंट, शैक्षणिक प्रक्रिया, शिक्षणाचे नियोजन, मायक्रो टिचिंग, सांस्कृतिक शिक्षण यासारख्या अनेकविध विषयांवर प्रशिक्षण दिले जाते.
हे प्रशिक्षण पूर्ण करणाऱ्या उमेदवारांना पूर्व प्राथमिक शाळा, अंगणवाडी, बालवाडी, वस्तीशाळा, पर्यवेक्षिका इत्यादी ठिकाण नोकरी मिळविता येते.
आरमोरी येथे डॉ.बाबासाहेब आंबेडकर एज्युकेशन ऑफ नर्सिंग अँड हेल्थ सायंस या संस्थेने माँटेसरी प्रशिक्षण अभ्यासक्रम सुरु केला आहे. १८ ते ३५ वर्षे वयोगटातील १० वी, १२ वी उत्तीर्ण महिला व युवतींनी आपल्या शैक्षणिक कागदपत्रांसह संस्थेच्या आरमोरी येथील कार्यालयात(बँक ऑफ इंडियाच्या वर, तिसरा मजला, आरमोरी) येथे सकाळी १० ते संध्याकाळी ५ या वेळेत, तसेच ९६२३४५९६३२ व ९४३१७२६७७८ या क्रमांकावर संपर्क साधावा, असे आवाहन प्रा.आनंद वासनिक यांनी केले आहे.