गडचिरोली | --°C | --°C |
आरमोरी, ता.२२: येथील प्रियदर्शी सम्राट अशोक सोशल फोरमच्या वतीने मंगळवारी २३ ऑक्टोबर रोजी संध्याकाळी ७ वाजता एका परिसंवादाचे आयोजन करण्यात आले आहे.
आरमोरी येथील महात्मा गांधी चौक, जुनी गुजरी येथे होणार आहे. 'मानव मुक्तीच्या लढ्यातील सेक्युलॅरिझमची भूमिका' हा या परिसंवादाचा विषय असून, ज्येष्ठ साहित्यीक व महाराष्ट्र सेक्युलर मुव्हमेंटचे अध्यक्ष प्रा.गौतमीपुत्र कांबळे हे अध्यक्षस्थानी राहणार आहे. प्रमुख मार्गदर्शक म्हणून माजी पोलिस उपायुक्त तथा सेक्युलर मुव्हमेंटचे राज्य उपाध्यक्ष भरत शेळके, आकाशवाणीचे कार्यक्रम अधिकारी बबन चहांदे, सेक्युलर मुव्हमेंटचे राज्य संघटक गौतम सांगळे उपस्थित राहणार आहेत. या कार्यक्रमानंतर विजय शेंडे यांचा समाजप्रबोधनात्मक गीत गायनाचा कार्यक्रम होणार आहे. नागरिकांनी कार्यक्रमाला मोठ्या संख्येने उपस्थित राहावे, असे आवाहन प्रा.अमरदीप मेश्राम, खिरेंद्र बांबोळे, डॉ.प्रदीप खोब्रागडे, भारत शेंडे, कैलास शेंडे, जगदीश मेश्राम, भगवान ठवरे, पुरंदर इंदुरकर, गोपाल ठवरे आदींनी केले आहे.