गडचिरोली | --°C | --°C |
गडचिरोली, ता.१७: भाजपप्रणित बजरंग दल या संघटनेच्या चार कार्यकर्त्यांनी आज बजरंग दलाला रामराम ठोकत काँग्रेसचे प्रदेश उपाध्यक्ष आ.विजय वडेट्टीवार यांच्या उपस्थितीत काँग्रेसमध्ये प्रवेश केला.
बजरंग दलाचे प्रखंड संयोजक राकेश नैताम, प्रदीप वैरागडे, जगदीश डोमळे, अतुल लाटीलवार अशी काँग्रेसमध्ये प्रवेश करणाऱ्यांची नावे आहेत. चौघांनीही आज आ.विजय वडेट्टीवार यांच्या निवासस्थानी 'जय श्रीराम' म्हणत काँग्रेसमध्ये प्रवेश केला. आ.वडेट्टीवार यांनी काँग्रेसचा दुपट्टा देऊन त्यांचे स्वागत केले. यावेळी काँग्रेसचे जिल्हाध्यक्ष व माजी आमदार डॉ.नामदेव उसेंडी, युवा नेते डॉ.नितीन कोळवते, जिल्हा परिषद सदस्य अॅड.राम मेश्राम, काँग्रेस महिला आघाडीच्या जिल्हाध्यक्ष भावना वानखेडे, ओबीसी सेलचे जिल्हाध्यक्ष पांडुरंग घोटेकर, युवा नेते कुणाल पेंदोरकर यांच्यासह अन्य कार्यकर्ते उपस्थित होते.