गडचिरोली | --°C | --°C |
गडचिरोली, ता.४:कर्तव्यावर जात असताना मोटारसायकल नाल्यात कोसळल्याने वनरक्षक ठार झाल्याची घटना आज सकाळी ११ वाजताच्या सुमारास गडचिरोली-चांदाळा मार्गावर घडली. अशोक मोतीराम आत्राम(४२)रा.गोकुळनगर, गडचिरोली असे मृत वनरक्षकाचे नाव आहे.
अशोक आत्राम हे चातगाव वनपरिक्षेत्रात वनरक्षक पदावर कार्यरत होते. आज सकाळी ते एमएच २२-ई २१४२ क्रमांकाच्या मोटारसायकलने कर्तव्यावर जात होते. मात्र, रस्त्यात असलेल्या नाल्याजवळ त्यांचे मोटारसायकलवरील नियंत्रण सुटले आणि मोटारसायकल नाल्यात कोसळली. यावेळी नाल्यातील दगडांमुळे श्री.आत्राम यांना जबर दुखापत झाल्याने त्यांचा घटनास्थळीच मृत्यू झाला. घटनेची माहिती मिळताच पोलिसांना घटनास्थळ गाठून पंचनामा केला.