अधिक वाचा>>

आमचे मत - तुमचे मत

गडचिरोली	--°C	--°C

जनमताचा कौल

 

गडचिरोली, ता़२२

तालुक्यातील पोर्ला येथील बँक आॅफ महाराष्ट्रचे एटीएम अज्ञात चोरट्यांनी फोडल्याची घटना आज २२ आॅक्टोबरच्या मध्यरात्री घडली़ यामुळे परिसरात भीतीचे वातावरण निर्माण झाले आहे़

पोर्ला हे गडचिरोली तालुक्यातील मोठे गाव असून, येथे हायस्कूल, प्राथमिक आरोग्य केंद्र, वनपरिक्षेत्राधिकारी कार्यालय व अन्य कार्यालये आहेत़ त्यामुळे येथील कर्मचारी व नागरिकांच्या सोयीसाठी गावात काही वर्षांपूर्वी बँक आॅफ महाराष्ट्रची शाखा सुरू  करण्यात आली़ ग्राहकांच्या मागणीनंतर तीन महिन्यांपूर्वी बँकेने एटीएम सुरू केले होते़ मात्र, योग्य जागेअभावी एटीएम मशिन बँकेतच ठेवण्यात आली होती़ दरम्यान आज मध्यरात्री अज्ञात चोरट्यांनी बँकेचे मुख्य प्रवेशद्वार फोडून एटीएम फोडण्याचा प्रयत्न केला़ त्यांनी मशिनचे एका बाजूचे झाकण तोडले़ मात्र, कोडची माहिती नसल्याने त्यांना मशिनमधील पैसे काढता आले नाही़ आज सकाळी काही नागरिकांना एटीएम तोडल्याची माहिती मिळताच त्यांनी ही बाब बँकेच्या अधिकार्‍यांना सांगितली़ त्यांनतर आज सकाळी साडेसात वाजता पोलिसांनी घटनास्थळी भेट देऊन पाहणी केली़