गडचिरोली | --°C | --°C |
गडचिरोली, ता.१८: दिल्ली येथे भारतीय संविधान जाळणाऱ्या समाजकंटकांवर कठोर कारवाई करावी, अशी मागणी तालुका महिला माळी समाज संघटनेने केली आहे.
तालुका महिला माळी समाज संघटनेच्या अध्यक्ष सुधा चौधरी यांच्या अध्यक्षतेखाली पार पडलेल्या बैठकीत दिल्लीतील जंतरमंतरवर संविधान जाळून देशद्रोही कृत्य करणाऱ्यांचा तीव्र निषेध करण्यात आला. संविधान जाळणाऱ्या समाजकंटकांवर कठोर कारवाई करावी, अशी एकमुखी मागणीही यावेळी करण्यात आली.
या बैठकीला गडचिरोली तालुका माळी समाज संघटनेच्या सचिव अल्का गुरनुले, ज्योती मोहुर्ले, चैताली चौधरी, कांता लोनबले, वंदना मोहुर्ले, ज्योती जेंगठे, उषा शेंडे, मनिषा निकोडे, संजिवनी कोटरंगे, कुसुम गुरनुले, गीता सोनुले इत्यादी महिला कार्यकर्त्या उपस्थित होत्या.