ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

बंडू हरणे/धानोरा,ता.८:पावसामुळे कुणाची भिंत पडली, तर कुणाचे घर पडले अशा बातम्या आपण वाचत असतो. मात्र, धानोरा येथे शौचालयांच्या बाबतीत वेगळाच प्रकार घडला. दोन दिवसांपासून सुरु असलेल्या पावसामुळे धानोरा येथील तीन शौचालये व तीन बाथरुम चक्क जमिनीत घुसल्याची घटना घडली.

धानोरा येथील प्रभाग क्रमांक १४ मध्ये वास्तव्य करीत असलेले सुरेश तोरे, गणेश तोरे व किरण धुर्वे यांना स्वच्छ भारत मिशन अंतर्गत नगर पंचायतीकडून शौचालये मंजूर झाली होती. त्यानंतर तिघांनीही विहीत मुदतीत शौचालयांचे बांधकाम केले. परंतु काही दिवसांपूर्वी आलेल्या पावसामुळे जमीन दलदल झाली. विश्रांतीनंतर दोन दिवसांपासून पुन्हा पावसाची रिपरिप सुरु झाली. त्यामुळे दलदल आणखीनच वाढली. अशातच आज सकाळी तिन्ही शौचालये व बाथरुम जमिनीत अर्धवट गाडली गेली. त्यावेळी एक महिला बाथरुममध्ये आंघोळ करीत होती. शौचालये व बाथरुम जमिनीच्या आत शिरत असल्याचे लक्षात येताच एकच गोंधळ झाला. नागरिकांनी तिला सुखरुप बाहेर काढले. 

घटनेची माहिती मिळताच नगर पंचायतीचे उपाध्यक्ष तथा बांधकाम सभापती बाळू उंदिरवाडे यांनी घटनास्थळी जाऊन पाहणी केली. संबंधितांना शासनाने भरपाई द्यावी, अशी मागणी त्यांनी केली आहे.