शुक्रवार, 29 मार्च 2024
लक्षवेधी :
  अखेर मार्कडेश्वर मंदिराच्या जीर्णोद्धाराच्या कामाचा शुभारंभ             गडचिरोली: जिल्हाधिकाऱ्यांच्या निवासस्थानातील सुरक्षा रक्षकाची गोळी झाडून आत्महत्या           

दारूच्या नशेत मित्रानेच केला मित्राचा खून, आरोपीचाही मृत्यू

Tuesday, 7th August 2018 08:17:15 AM

कुरखेडा,ता.७: दारूच्या नशेत मित्राने मित्राच्या डोक्यावर कुऱ्हाडीने वार करून त्याची निर्घृण हत्या केल्याची घटना तालुक्यातील चिनेगाव येथे आज दुपारी तीन वाजताच्या सुमारास घडली या घटनेने परिसरात खळबळ माजली आहे. अरुण देवाजी जुमनाके(४०) असे मृतकाचे नाव असून, पुंडलिक सिडाम(५०) रा.चिनेगाव असे आरोपीचे नाव आहे. आरोपीही मृत्यू झाला आहे.

प्राप्त माहितीनुसार, आज दुपारच्या सुमारास अरुण जुमनाके व पुंडलिक सिडाम यांच्यामध्ये दारूच्या नशेत बाचाबाची झाली. यावेळी पुंडलिक सिडाम याने अरुण जुमनाकेच्या डोक्यावर कुऱ्हाडीने वार केला. रक्तबंबाळ अवस्थेत अरुण स्वतःच्या घरी जाताच गतप्राण झाला. इकडे आरोपी पुंडलिक सिडाम हादेखील रक्ताने माखलेल्या अवस्थेत रस्त्यावर पडून असल्याची माहिती चिनेगावच्या पोलिस पाटलांनी भ्रमणध्वनीवरून कुरखेडा पोलिस ठाण्याला दिली. त्यानंतर पोलिसानी घटनास्थळी दाखल होऊन जखमी अवस्थेत असलेला आरोपी पुंडलिक सिडाम यास कुरखेडा येथील उपजिल्हा रुग्णालयात दाखल केले. मात्र, उपचारादरम्यान त्याचाही मृत्यू झाला.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
87SP3
  © 2014 - 2024 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना