गडचिरोली | --°C | --°C |
गडचिरोली,ता.७ आदिवासीबहूल गडचिरोली जिल्ह्यात जागतिक आदिवासी दिनी ९ ऑगस्ट रोजी सुटी देण्यात यावी, अशी मागणी स्थानिक लोकप्रतिनिधी आणि विविध संघटनांनी वारंवार केली होती. ती मान्य झाली असून जिल्हाधिकारी शेखर सिंग यांनी आपल्या अधिकारात स्थानिक सुटीच्या आदेशात अंशत: बदल करीत गुरुवार ९ ऑगस्ट २०१८ रोजी स्थानिक सुटी जाहीर केली आहे.
आता जिल्हयातील सर्व कार्यालये, शाळा, शासकीय संस्था यांना जागतिक आदिवासी दिवस ९ ऑगस्ट, पोळा या सणाचा दुसरा दिवस १० सप्टेंबर, आणि सर्वपित्री दर्श अमावस्या ८ ऑक्टोबर या दिवशी स्थानिक सुटी जाहीर करण्यात आली आहे.
उपरोक्त आदेश गडचिरोली जिल्हयातील दिवाणी व फौजदारी न्यायालये, अधिकोष (बँक) यांना लागू होणार नाही, अशी माहिती अपर जिल्हाधिकारी अशोक चौधरी यांनी दिली आहे.