गडचिरोली | --°C | --°C |
गडचिरोली, ता.२३:अनावधानाने स्वत:कडील रायफलमधील गोळी सुटून ती लागल्याने जवान जखमी झाल्याची घटना आज संध्याकाळी पावणे पाच वाजताच्या सुमारास सिरोंचा येथे घडली. एस.एस.चव्हाण असे जखमी जवानाचे नाव आहे.
प्राप्त माहितीनुसार, श्री.चव्हाण हे आज दुपारी बॅरेकमध्ये झोपले होते. उठल्यानंतर अनावधानाने रायफलला हात लागल्याने अचानक गोळी सुटली आणि ती चव्हाण यांच्या पोटाला चाटून गेली. सहकाऱ्यांनी त्यांना सिरोंचा येथील ग्रामीण रुग्णालयात दाखल केले. तेथे प्रथमोपचार केल्यानंतर त्यांना तेलंगणा राज्यातील वारंगळ येथे हलविण्यात आले आहे.