गडचिरोली | --°C | --°C |
धानोरा, ता.१०: येथील इंदिरा नगरात राहणाऱ्या एका वृद्ध इसमाने आज सकाळी साडेदहा वाजताच्या सुमारास स्वत:च्या घरी गळफास लावून आत्महत्या केली. रघुनाथ पांडुरंग मेश्राम(६५)असे मृत इसमाचे नाव आहे.
आज सकाळी भोजन केल्यानंतर रघुनाथ मेश्राम यांनी शेतावर जातो, असे घरच्यांना सांगितले. मात्र, जनावरांच्या गोठ्यात जाऊन त्यांनी गळफास लावून आत्महत्या केली. श्री.मेश्राम हे लोहारकाम करायचे. त्यांच्या पश्चात पत्नी, दोन विवाहित मुले, नातवंड असा परिवार आहे. आत्महत्येचे कारण कळू शकले नाही. धानोरा पोलिस घटनेचा तपास करीत आहेत.