गडचिरोली | --°C | --°C |
गडचिरोली, ता.७:उल्लेखनीय कामगिरी करणाऱ्या गडचिरोली पोलिस दलातील १४२ पोलिस अधिकारी व कर्मचाऱ्यांना पोलिस महासंचालकांचे सन्मानचिन्ह देऊन गौरविण्यात येणार आहे.
पोलिस महासंचालक कार्यालयाने गौरवास पात्र ठरलेल्या पोलिस अधिकारी व कर्मचाऱ्यांची यादी जाहीर केली आहे. राज्यातील १४४ अधिकारी व कर्मचाऱ्यांना यंदा पोलिस महासंचालकांचे सन्मानचिन्ह देण्यात येणार आहे. त्यात गडचिरोली जिल्ह्यातील १४२ जणांचा समावेश आहे. त्यापैकी ६ उपविभागीय पोलिस अधिकारी, १ सहायक पोलिस निरीक्षक, ३५ पोलिस उपनिरीक्षक, ६ पोलिस हवालदार, २४ पोलिस नाईक व ७० पोलिस शिपायांना सन्मानित केले जाणार आहे. एवढ्या मोठ्या संख्येने जिल्ह्यातील अधिकारी व कर्मचाऱ्यांना पोलिस महासंचालकांचे सन्मानचिन्ह मिळण्याची ही पहिलीच वेळ आहे. यामुळे जिल्हा पोलिस दलाची मान उंचावली असून, पोलिस अधीक्षक डॉ.अभिनव देशमुख यांनी सन्मानचिन्ह जाहीर झालेले अधिकारी व कर्मचाऱ्यांचे अभिनंदन केले आहे.