रविवार, 16 डिसेंबर 2018
लक्षवेधी :
  जादुटोण्याच्या संशयावरुन खुनाचा प्रयत्न करणाऱ्यास पाच वर्षांचा सश्रम कारावास-जिल्हा व सत्र न्यायालयाचा निवाडा             धानाच्या योग्य हमीभावासाठी शेतकऱ्यांनी एकत्र येऊन संघर्ष करावा: गुरवळा येथील कार्यक्रमात शेकाप नेत्या जयश्री वेळदा यांचे आवाहन             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

दारुसाठी सासूला ठार करणाऱ्या जावयास आजीवन कारावासाची शिक्षा

Tuesday, 15th May 2018 02:23:52 PM

गडचिरोली, ता.१५:  दारु पिण्यासाठी पैसे न दिल्याने सासूच्या डोक्यावर काठीने प्रहार करुन तिला ठार करणाऱ्या जावयास येथील जिल्हा व सत्र न्यायालयाने आजीवन कारावास व ५०० रुपये दंडाची शिक्षा ठोठावली आहे. डोलू गुंडी वड्डे रा. लाहेरी, ता. भामरागड असे दोषी इसमाचे नाव आहे.

रेकू पुसू वडदा ही तिच्या मुलीकडे राहत होती. ७ ऑक्टोबर २०१५ च्या संध्याकाळी ७ वाजताच्या सुमारास रेकूचा जावई डोलू वड्डे याने तिला दारु पिण्यासाठी पैसे मागितले. परंतु रेकूने पैसे देण्यास नकार दिला.ञ त्यामुळे डोलूने रेकूच्या डोक्यावर काठीने प्रहार केला. यात घटनास्थळीच रेकूचा मृत्यू झाला.  त्यानंतर रेकूची मुलगी सोनू डोलू वड्डे हिने लाहेरी पोलिस ठाण्यात घटनेची तक्रार केली.  यावरुन पोलिसांनी आरोपी डोलू वड्डे याच्यावर भादंवि कलम ३०२ अन्वये गुन्हा दाखल केला. तपास पूर्ण झाल्यावर तत्कालिन पोलिस उपनिरीक्षक सुधीर घाडगे यांनी न्यायालयात दोषारोपपत्र दाखल केले.

आज या प्रकरणाचा निकाल लागला. जिल्हा व सत्र न्यायालयाने साक्ष पुरावा तपासून व सरकारी पक्षाचा युक्तिवाद ग्राह्य मानून आरोपी डोलू वड्डे यास भादंवि कलम ३०२ अन्वये आजीवन कारावास व ५०० रुपये दंडाची शिक्षा ठोठावली. दंड न भरल्यास ६ महिन्यांची अतिरिक्त शिक्षा ठोठावण्यात आली. सरकारी पक्षातर्फे सहायक सरकारी वकील नीळकंठ भांडेकर यांनी काम पाहिले. कोर्ट पैरवी अधिकारी म्हणून सहायक पोलिस निरीक्षक प्रफुल्ल कदम यांनी जबाबदारी सांभाळली.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
C0VGK
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना