मंगळवार, 21 ऑगस्ट 2018
लक्षवेधी :
  दुसऱ्या दिवशीही पर्लकोटा नदीच्या पुलावर पाणी, भामरागड तालुक्यातील गावांचा संपर्क तुटलेलाच             पुरात कारसह अडकलेल्या दोघांची सहिसलामत सुटका-गडचिरोली तालुक्यातील गुरवळा येथील घटना             गोसेखुर्द धरणाचे १० दरवाजे दीड मीटरने, तर २३ दरवाजे १ मीटरने उघडले, ७९५४ क्यूमेक्स पाण्याचा विसर्ग             हैदराबाद-गडचिरोली बस नाल्यात कोसळली,आलापल्ली-सिरोंचा मार्गावरील नंदीगावनजीकची घटना, प्रवासी सुरक्षित             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

विधान परिषद निवडणूक:काँग्रेस उमेदवार थंडावला; भाजप उमेदवाराचा एकतर्फी विजय?

Sunday, 13th May 2018 02:05:43 PM

गडचिरोली, ता.१३: चंद्रपूर-गडचिरोली-वर्धा स्थानिक स्वराज्य संस्थेच्या विधान परिषद निवडणुकीत काँग्रेसचे उमेदवार इंद्रकुमार सराफ हे अचानक अंग काढून टाकल्यासारखे वागू लागल्याने भाजपचे उमेदवार डॉ.रामदास आंबटकर यांच्या एकतर्फी विजयाचा मार्ग जवळपास मोकळा झाला, अशी चर्चा सुरु झाली आहे.

स्थानिक स्वराज्य संस्थेच्या विधान परिषद निवडणुकीत चंद्रपूर-गडचिरोली-वर्धा मतदारसंघातून काँग्रेसने प्रचंड गोपनीयता बाळगत वर्धेचे इंद्रकुमार सराफ यांना उमेदवारी दिली. श्री.सराफ हे तगडे उमेदवार आहेत, असाही प्रचार करण्यात आला. मात्र, अर्ज सादर केल्यानंतर सराफ हे निवडणूक लढण्यास फार उत्सुक दिसले नाही. ही निवडणूक पैशावर चालणारी असल्याची जाणीव असतानाही सराफ यांनी कुटुंबीयांकडून आर्थिक प्रतिसाद न मिळाल्याने ऐनवेळी अंग काढून घेतल्याचे सांगितले जात आहे. त्यातच शुक्रवारी श्री.सराफ यांनी नागपुरात भाजपच्या एका हेवीवेट नेत्याची भेट घेऊन भाजपपुढे नांगी टाकल्याचे वृत्त आज एका वृत्तपत्रात प्रकाशित झाल्यानंतर खळबळ माजली. सराफ यांना निवडून आणण्याची जबाबदारी काँग्रेसचे विधानसभेतील उपनेते, प्रदेश उपाध्यक्ष व ब्रम्हपुरीचे आमदार विजय वडेट्टीवार यांच्यावर पक्षाने सोपवली होती. परंतु निवडणूक ऐन जोमात असताना श्री.सराफ यांनी अंग काढल्याने अनेक तर्कवितर्कांना उधाण आले आहे. काल सराफ व त्यांच्या पुत्राने वडेट्टीवार यांची भेट घेऊन आपण पैसे खर्च करु शकत नाही, असे स्पष्ट सांगितल्याने वडेट्टीवारांसह त्यांच्या बंगल्यावर उपस्थित अनेकांनी तोंडात बोटे टाकली. ही वार्ता पसरताच काँग्रेसचे मतदार प्रचंड निरुत्साही झाले आहेत.

आता निवडणुकीला आठ दिवस शिल्लक असताना इंद्रकुमार सराफ हे पुन्हा जोमाने रणांगणात उतरण्याची शक्यता फार कमी आहे. त्यामुळे सराफांच्या विजयाची जबाबदारी असलेल्या वडेट्टीवारांनाही पक्षनेत्यांच्या रोषाला सामोरे जावे लागेल, अशी शक्यता वर्तविण्यात येत आहे.

एकंदरित परिस्थिती पाहता मतदार व राजकीय जाणकारांना या निवडणुकीबाबत अजिबात उत्सुकता राहिली नसून, भाजपचे उमेदवार डॉ.रामदास आंबटकर यांच्या एकतर्फी विजयाचा मार्ग जवळपास मोकळा झाल्याचे मानले जात आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
ASPV2
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना