बुधवार, 19 डिसेंबर 2018
लक्षवेधी :
  गडचिरोली जिल्ह्यातील वर्ग ३ व ४ ची पदभरती स्थगित करा;अन्यथा जिल्हा कचेरीवर मोर्चा काढू-ओबीसी समाज संघटना व राष्ट्रीय ओबीसी महासंघाचा इशारा             प्राचार्य डॉ.राजाभाऊ मुनघाटे यंदाच्या 'गडचिरोली जिल्हा गौरव' पुरस्काराचे मानकरी-गडचिरोली प्रेसक्लबचा निर्णय, ६ जानेवारीला मान्यवरांच्या हस्ते होणार पुरस्कार प्रदान             जिल्ह्याच्या बहुतांश भागात पावसाची रिपरिप, जनजीवन विस्कळीत             शेतकरी कामगार पक्ष फेब्रुवारीत गडचिरोलीत घेणार विदर्भातील शेतकऱ्यांची दुष्काळ परिषद-अलिबाग येथील मध्यवर्ती समितीच्या बैठकीत निर्णय             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           
वाढदिवसाच्या शुभेच्छा
अनिल धामोडे
जिल्हा प्रतिनिधी, दै. देशोन्नती, गडचिरोली
वाढदिवस : 19 डिसेम्बर
वाढदिवसाच्या शुभेच्छा
वाढदिवसाच्या शुभेच्छा

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

चिचडोह बॅरेजचे काम पूर्ण, चाचणीसाठी प्रकल्पाचे सर्व दरवाजे बंद

Saturday, 17th March 2018 10:36:22 AM

गडचिरोली,ता.१७: चामोर्शी तालुका मुख्यालयापासून उत्तरेस ५ किलोमीटर अंतरावर वैनगंगा नदीवर चिचडोह बॅरेजचे बांधकाम सुरु आहे. या बॅरेजचे काँक्रिट बांधकाम व दरवाज्यांच्या उभारणीचे काम पूर्ण झाले असून, दरवाजांमधून पाणी गळती होऊ नये, याकरिता त्याची चाचणी घेणे आवश्यक आहे. त्यासाठी प्रकल्पाचे सर्व दरवाजे बंद करण्यात आले आहेत.

चिचडोह बॅरेज मार्कंडा देवस्थानापासून वैनगंगा नदीच्या वरच्या बाजूस ३ किलोमीटर अंतरावर आहे. या बॅरेजची एकूण लांबी ६९१ मीटर असून त्यास १५ मीटर लांबीचे व ९ मीटर उंचीचे ३८ पोलादी दरवाजे बसविण्यात आले आहेत.  

२५ मार्च २०१८ पासून सर्व दरवाजे बंद करण्याचे निश्चित करण्यात आले आहे. त्यामुळे नदी पात्रात उर्ध्व बाजूस व नदीत आलेल्या नाल्यांमध्ये पाणीसाठा निर्माण होऊन नदीतील पाण्याची पातळी वाढणार आहे. या पाणीसाठयामुळे जीवित व वित्तहानी  होऊ नये म्हणून सर्व लगतची गावे व ग्रामपंचायतींनी आपल्या अख्त्यारितील गावकऱ्यांना याबाबत गावात दवंडीव्दारे नदी काठावर जाणे टाळावे तसेच नदीकाठावरील शेतात कामे करतना सतर्क राहण्याच्या सूचना द्याव्यात, असे आवाहन चंद्रपूरच्या लघुपाटबंधारे विभागाने केले आहे.

शिवाय या कार्यालयाकडून ज्या शेताचे भूसंपादन किंवा सरळ खरेदी करण्यात आली आहे, त्या सर्व भूधारकांनी शेतातील कामे करताना खबरदारी घ्यावी किंवा खरेदी करण्यात आलेल्या शेतामध्ये शेतीची कोणतीही कामे करु नयेत. सर्व मासेमारी करणारे व पशुपालकांनी प्रकल्पाच्या बुडीत क्षेत्रातून नदी ओलांडू नये. रेती घाटातून रेती काढणाऱ्या लोकांनी खबरदारी घ्यावी. अन्यथा होणाऱ्या नुकसानीस पाटबंधारे विभागाचे कार्यालय जबाबदार राहणार नाही. तसेच सद्यस्थितीत जो पाणीसाठा होणार आहे तो फक्त चाचणीकरिता असल्यामुळे प्रकल्पातून केव्हाही पाणी सोडले जाऊ शकते, त्यामुळे प्रकल्पाच्या खालील बाजूच्या नागरिकांनी देखील दक्षता घ्यावी, असे आवाहन लघु पाटबंधारे विभागाच्या कार्यकारी अभियंत्यांनी केले आहे.

                                                         


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
K86DC
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना