ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली, ता.१३: पोलिस खबऱ्या असल्याच्या संशयावरुन नक्षल्यांनी आज सकाळी धानोरा तालुक्यातील कटेझरी येथील एका इसमाची हत्या केली. दुर्गराम कोल्हा(५०) असे मृत इसमाचे नाव आहे.

प्राथमिक माहितीनुसार, पुढील महिन्याच्या अखेरीस तेंदू हंगामाला सुरुवात होणार असल्याने सध्या बेलकटाईचे काम सुरु आहे. कटेझरी येथील काही मजूर आज जंगलात बेलकटाईच्या कामावर गेले होते. त्यात दुर्गराम कोल्हाचाही समावेश होता. आज सकाळी साडेदहा वाजताच्या सुमारास १० ते १२ सशस्त्र नक्षलवादी मजुरांजवळ गेले. त्यांनी दुर्गराम कोल्हा यास आपल्यासोबत नेले व नंतर त्याची तीक्ष्ण अवजाराने हत्या करुन मृतदेह कटेझरी-देवसूर रस्त्यावर ठेवला. या घटनेमुळे परिसरात दहशत निर्माण झाली आहे.  

कटेझरी व परिसरातील गावे नक्षलग्रस्त आहेत. मात्र कटेझरी येथे दीड वर्षापूर्वी पोलिस मदत केंद्र सुरु करण्यात आल्याने नक्षल कारवायांना बऱ्याच प्रमाणात आळा बसला होता. परंतु अलिकडच्या काळात या भागात नक्षल कारवायांनी जोर धरल्याचे दिसून येत आहे. आठ दिवसांपूर्वीच कटेझरीनजीकच्या भटमऱ्यान येथील एका कुटुंबाला नक्षली दहशतीमुळे गाव सोडावे लागले, तर आज एका नागरिकाला जीव गमवावा लागला.