ठळक बातम्या

• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..

गडचिरोली, ता.१२:  विविध न्याय्य मागण्यांसाठी लाखो शेतकऱ्यांनी विधिमंडळावर मोर्चा काढला आहे. या मोर्चेकरु शेतकऱ्यांना शहरी नक्षलवादी संबोधणाऱ्या भाजपच्या खासदार पूनम महाजन यांचा शेतकरी कामगार पक्षाच्या गडचिरोली जिल्हा शाखेने तीव्र निषेध केला आहे.

शेकापचे जिल्हा निमंत्रक रामदास जराते यांनी प्रसिद्धीपत्रकात म्हटले आहे की, अखिल भारतीय किसान सभेच्या नेतृत्वात लाखो शेतकऱ्यांनी मंत्रालयावर लॉगमार्च काढला आहे. बळजबरीने केले जाणारे भूसंपादन थांबवा, वनजमिनीचे ७/१२ वाटप करा आदी मागण्यांकडे सरकारचे लक्ष वेधण्यासाठी लाखो शेतकऱ्यांनी मंत्रालयावर धडक दिली. दरम्यान भाजपाच्या खासदार पूनम महाजन यांनी या लॉगमार्चमध्ये सहभागी झालेल्या शेतकऱ्‍यांना शहरी नक्षलवादी संबोधून शेतकऱ्यांचा अपमान केला. आपले संविधानिक हक्क व अधिकारासाठी शेकडो किलोमीटर पायी चालत जाऊन सरकारला जाब विचारणाऱ्या शेतकऱ्यांना नक्षलवादी संबोधून अपमान करणाऱ्या पूनम महाजन यांच्यासारख्या भांडवलदारांच्या बाहूल्यांचा भारतीय शेतकरी कामगार पक्ष निषेध करीत असल्याचे पक्षाचे जिल्हा शाखेचे निमंत्रक रामदास जराते यांनी म्हटले आहे.