ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

सिरोंचा, ता.१६: धान भरडाई करीत असताना मशिनमध्ये अडकल्याने एका महिलेचा मृत्यू झाल्याची घटना काल(ता.१५)दुपारी अडीच वाजताच्या सुमारास असरअली पोलिस ठाण्यांतर्गत कोतापल्ली येथे घडली. गौरता दुर्गम(५०)असे मृत महिलेचे नाव आहे. या घटनेमुळे गावात हळहळ व्यक्त करण्यात येत आहे.

कोतापल्ली येथील गौरता दुर्गम ही महिला काल दुपारी गावातील राईस मिलमध्ये धान भरडाई करण्याकरिता गेली होती. मिल सुरु असताना अचानक तिचा पदर पंख्यात अडकला. यामुळे ती मशिनमध्ये येऊन पोट चिरल्या गेले. यामुळे तिचा मृत्यू झाला. राईसमिलला परवानगी नाही व पंख्यावर जाळी लावलेली नाही, त्यामुळे महिलेला जीव गमवावा लागल्याचे गावकऱ्यांचे म्हणणे आहे. दरम्यान २४ तास उलटूनही पोलिसांनी राईस मिल मालकावर कारवाई न केल्याने संतापलेल्या गावकऱ्यांनी महिलेचा मृतदेह घेऊन सिरोंचा तहसील कार्यालय गाठले. त्यानंतर त्यांनी तहसीलदारांना निवेदन दिले. यापूर्वी यात राईसमिलमध्ये एक पुरुष व एक महिला जखमी झाले होते.

दरम्यान, याप्रकरणी राईसमिलमालक सम्मी रेड्डी याच्यावर असरअली पोलिस ठाण्यात भादंवि कलम ३०४ अन्वये गुन्हा दाखल करण्यात आल्याची माहिती आज संध्याकाळी गडचिरोली पोलिसांनी प्रसिद्धीपत्रकाद्वारे दिली.