रविवार, 23 सप्टेंबर 2018
लक्षवेधी :
  शिक्षक बदली घोटाळ्याप्रकरणी जिल्हा परिषदेचे माजी सभापती विश्वास भोवते यास अटक, न्यायालयीन कोठडीत रवानगी             कोंबडी चोरुन खाल्ली म्हणून ठार मारण्याचा प्रयत्न करणाऱ्यास ५ वर्षांच्या सश्रम कारावासाची शिक्षा-जिल्हा व सत्र न्यायालयाचा निवाडा             नक्षल्यांनी कमलापूरच्या मुख्य चौकात बांधले बॅनर, परिसरात दहशत             राष्ट्रीय ओबीसी महासंघाने जाळला ११ सप्टेंबरचा ओबीसींवर अन्याय करणारा जीआर             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

लग्नासाठी मुलीच्या आईला ठार मारण्याचा प्रयत्न करणाऱ्यास २० वर्षांचा सश्रम कारावास

Wednesday, 7th February 2018 02:17:43 PM

गडचिरोली, ता.७: मुलीचे लग्न आपल्यासोबत लावून दिले नाही, असे म्हणून संतापलेल्या युवकाने मुलीच्या आईवर प्राणघातक हल्ला करुन तिला ठार मारण्याचा प्रयत्न केला होता. या प्रकरणातील आरोपीस सत्र न्यायालयाने २० वर्षांचा सश्रम कारावास व १० हजार रुपये दंडाची शिक्षा ठोठावली आहे. रामचंद्र रामू हलामी(२५)रा. बामणी, ता.कुरखेडा असे दोषी इसमाचे नाव आहे.

ही घटना १८ ऑगस्ट २०१६ ची आहे. बामणी येथील देवकाबाई हिरामी ही अंगणात कपडे वाळवीत असताना रामचंद्र हलामी तिच्याजवळ गेला आणि तुझ्या मुलीचे लग्न माझ्यासोबत लावून दिले नाही, असे म्हणून त्याने तिला अतिप्रसंग करण्याची धमकी दिली. तो एवढ्यावरच थांबला नाही तर त्याने देवकाबाईला खाली पाडून धारदार सुरीने तिच्या पोटावर दोन वार केले. ती ओरडून घराबाहेर पळाली. तिच्या पतीने तिला गडचिरोली येथील जिल्हा सामान्य रुग्णालयात भरती केले. तेथे डॉ.माधुरी किलनाके यांनी शस्त्रक्रिया करुन देवकाबाईचे प्राण वाचविले. त्यानंतर देवकाबाईच्या बयाणावरुन आरोपी रामचंद्र हलामी याच्यावर पुराडा पोलिस ठाण्यात भादंवि कलम ४५२,३५४ व ३०७ अन्वये गुन्हा दाखल करुन अटक करण्यात आली. पुराडा पोलिस ठाण्याचे सहायक पोलिस निरीक्षक ए.एन.पाल यांनी तपास पूर्ण करुन आरोपीविरुद्ध न्यायालयात दोषारोपपत्र दाखल केले.

आज या प्रकरणाचा निकाल लागला. सत्र न्यायालयाने सर्व साक्षदारांचे बयाण नोंदवून व सरकारी पक्षाचा युक्तीवाद ग्राह्य मानून आरोपी रामचंद्र हलामी या २० वर्षांचा सश्रम कारावास व १० हजार रुपये दंडाची शिक्षा ठोठावली. सरकारी पक्षातर्फे जिल्हा सरकारी वकील अनिल प्रधान यांनी काम पाहिले. कोर्ट पैरवी अधिकारी म्हणून सहायक पोलिस निरीक्षक प्रफुल्ल कदम यांनी जबाबदारी सांभाळली.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
QA8A0
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना