ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली, ता.६: एटापल्ली तालुक्यातील गट्टा-हेडरी मार्गावर गट्टा पोलिस मदत केंद्रापासून अवघ्या २ किलोमीटर अंतरावर १५ किलो स्फोटके आढळून आली. ही स्फोटके हुडकून काढण्यात पोलिसांना यश आल्याने मोठा अनर्थ टळला.

काल सीआरपीएफ व जिल्हा पोलिस नक्षलविरोधी अभियान राबवीत असताना गट्टा पोलिस मदत केंद्राच्या पश्चिमेस २ किलोमीटर अंतरावर जांभिया पुलाजवळ एक वायर दिसला. पोलिसांनी बॉम्बशोधक व नाशक पथकाला माहिती दिली. त्याठिकाणी स्फोटके असल्याचे बॉम्ब शोधक व नाशक पथकाच्या लक्षात आले. त्यांनी बराच वेळपर्यंत स्फोटके काढण्याचा प्रयत्न केला. स्फोटके उशिरा नष्ट करण्यात त्यांना यश आले. ही स्फोटके १५ किलो वजनाची होती.

गट्टा-हेडरी मार्गावरुनच सुरजागड लोहखनिज आणणारे ट्रक ये-जा करीत असतात. या परिसरात पोलिस तैनात असल्याने तेही ये-जा करीत असतात. त्यामुळे पोलिस व खनिज आणणाऱ्या मंडळींचा घातपात करण्याचा नक्षल्यांचा हेतू होता. परंतु जवानांनी नक्षल्यांचा प्रयत्न उधळून लावला.