ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली, ता.२: सिरोंचा तालुक्यातून तेलंगणा राज्यात अवैधरित्या सागवान लाकडे वाहून नेणारी टोळी वनाधिकाऱ्यांनी जेरबंद केली असून, त्यांच्याकडून सुमारे सव्वा तीन लाख रुपयांची लाकडे जप्त करण्यात आली आहेत.

काल रात्री वनविभागाचे कर्मचारी गस्तीवर असताना मर्रीगुडम जंगलातून एपी ३६ एक्स ५४३६ क्रमांकाचा ट्रक येताना दिसला. वनाधिकाऱ्यांनी या ट्रकची तपासणी केली असता त्यात ट्रकभर सागवान लाकडे आढळून आली. ही लाकडे ६.४७ टनमीटरची असून, १११ नग आढळून आले. बाजारात या लाकडांची किंमत ३ लाख १८ हजार ३५२ रुपये एवढी आहे.

ही सागवान लाकडे मर्रीगुडम जंगलातून सिरोंचामार्गे तेलंगाणातील परिकोट येथे नेण्यात येत होती. याप्रकरणी स्वानंद समय्या बंदुला रा.परिकोट, पोचम रामय्या गावडे रा.मरिगुडम, श्रावणकुमारा लक्ष्मीनर्सय्या कटकोजी रा.हमकोंडा, गुंडेचाईल रामस्वामी रा.पंचापूर, लैशेट्टी समय्या राजलिंगू रा.कमानपूर यांना चौकशीसाठी ताब्यात घेण्यात आले आहे. अन्य तिघे फरार होण्यात यशस्वी झाले.