रविवार, 23 सप्टेंबर 2018
लक्षवेधी :
  शिक्षक बदली घोटाळ्याप्रकरणी जिल्हा परिषदेचे माजी सभापती विश्वास भोवते यास अटक, न्यायालयीन कोठडीत रवानगी             कोंबडी चोरुन खाल्ली म्हणून ठार मारण्याचा प्रयत्न करणाऱ्यास ५ वर्षांच्या सश्रम कारावासाची शिक्षा-जिल्हा व सत्र न्यायालयाचा निवाडा             नक्षल्यांनी कमलापूरच्या मुख्य चौकात बांधले बॅनर, परिसरात दहशत             राष्ट्रीय ओबीसी महासंघाने जाळला ११ सप्टेंबरचा ओबीसींवर अन्याय करणारा जीआर             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

दारुसाठी पत्नीस जीवंत जाळणाऱ्या नवरोबास जन्मठेपेची शिक्षा

Wednesday, 6th December 2017 02:20:15 PM

गडचिरोली, ता.६: दारु पिण्यास पैसे न दिल्याने पत्नीला जीवंत जाळणाऱ्या नवरोबास येथील जिल्हा व सत्र न्यायालयाने जन्मठेप व ५०० रुपये दंडाची शिक्षा सुनावली आहे. सुरेश सोमाजी भोयर रा.खुर्सा ता.गडचिरोली असे दोषी इसमाचे नाव आहे.

ही घटना १४ जून २०१५ ची आहे. या दिवशी आरोपी सुरेश भोयर याने पत्नी सुचेता हिला दारु पिण्यासाठी पैसे मागितले. परंतु सुचेताने पैसे देण्यास नकार दिल्याने सुरेशने तिच्याशी भांडण करुन मारहाण केली. त्यानंतर त्याने सुचेताच्या अंगावर केरोसीन ओतून आग लावली. यामुळे सुचेता पूर्णपणे जळाल्याने तिला रुग्णालयात दाखल करण्यात आले. मात्र, उपचारादरम्यान तिचा मृत्यू झाला. मृत्युपूर्व बयाणात सुचेताने आपणास पतीने जाळल्याचे पोलिसांना सांगितले होते. यावरुन गडचिरोली पोलिसांनी आरोपी सुरेश भोयर याच्याविरुद्ध गुन्हा दाखल करुन अटक केली. गुन्ह्याचा तपास पूर्ण झाल्यानंतर सहायक पोलिस निरीक्षक वैभव माळी यांनी न्यायालयात दोषारोपपत्र दाखल करण्यात आले. 

आज या प्रकरणाचा निकाल लागला. जिल्हा व सत्र न्यायालयाने पीडितेचे बयाण नोंदवून व सरकारी पक्षाचा युक्तीवाद ग्राह्य मानून आरोपी सुरेश भोयर यास जन्मठेप व ५०० रुपये दंड, तसेच दंड न भरल्यास ३ महिन्यांची अतिरिक्त शिक्षा ठोठावली. सरकारी पक्षातर्फे सहायक सरकारी वकील सचिन कुंभारे यांनी काम पाहिले.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
KE45G
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना