गुरुवार, 28 मार्च 2024
लक्षवेधी :
  अखेर मार्कडेश्वर मंदिराच्या जीर्णोद्धाराच्या कामाचा शुभारंभ             गडचिरोली: जिल्हाधिकाऱ्यांच्या निवासस्थानातील सुरक्षा रक्षकाची गोळी झाडून आत्महत्या           

अवैध दारुविक्रेत्यास ३ वर्षांचा कारावास व २५ हजार रुपये दंडाची शिक्षा

Tuesday, 5th December 2017 08:12:38 AM

गडचिरोली, ता.५: अवैधरित्या दारु विकणाऱ्या एका इसमास येथील प्रथम श्रेणी न्याय दंडाधिकाऱ्यांनी ३ वर्षांचा साधा कारावास व २५ हजार रुपये दंडाची शिक्षा ठोठावली आहे. दीपक रमेश भुरले, र.हनुमान वॉर्ड, गडचिरोली, असे दोषी इसमाचे नाव आहे.

ही घटना यंदाचीच आहे. १७ मार्च २०१७ रोजी पोलिसांनी दीपक भुरले याच्या राहत्या घराची झडती घेतली असता न्हाणीघरात आयबी कंपनीच्या विदेशी दारुच्या १३० बाटल्या व मॅक्डोवेल कंपनीच्या २६ बाटल्या अशी एकूण ४६ हजार ८०० रुपयांची दारु आढळून आली होती. ही दारु विनापरवाना असल्याचे निष्पन्न होताच पोलिस हवालदार राजेंद्र तितिरमारे यांच्या फिर्यादीवरुन  दीपक भुरले याच्यावर मुंबई दारुबंदी कायद्याच्या कलम ६५(ई)अन्वये गडचिरोली पोलिस ठाण्यात गुन्हा दाखल करण्यात आला. हवालदार हरिदास राऊत यांनी गुन्ह्याचा तपास करुन प्रकरण न्यायप्रविष्ट केले. 

आज या प्रकरणाचा निकाल लागला. प्रथम श्रेणी न्यायदंडाधिकाऱ्यांनी मुंबई दारुबंदी कायद्याच्या कलम ६५(ई)अन्वये आरोपी दीपक भुरले यास ३ वर्षांचा साधा कारावास व २५ हजार रुपये दंड आणि दंड न भरल्यास ८ महिने कारावासाची शिक्षा सुनावली. सरकारी पक्षातर्फे सहायक सरकारी वकील योगीता राऊत यांनी काम पाहिले. कोर्ट पैरवी अधिकारी म्हणून हवालदार यशवंत मलगाम यांनी जबाबदारी सांभाळली.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
546M5
  © 2014 - 2024 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना