गुरुवार, 28 मार्च 2024
लक्षवेधी :
  अखेर मार्कडेश्वर मंदिराच्या जीर्णोद्धाराच्या कामाचा शुभारंभ             गडचिरोली: जिल्हाधिकाऱ्यांच्या निवासस्थानातील सुरक्षा रक्षकाची गोळी झाडून आत्महत्या           

अल्पवयीन मुलीवर बलात्कार करणाऱ्या आरोपीस १० वर्षांचा सश्रम कारावास

Thursday, 30th November 2017 08:33:53 PM

गडचिरोली, ता.१: लग्नाचे आमिष दाखवून अल्पवयीन मुलीवर बलात्कार करणाऱ्या आरोपीस विशेष सत्र न्यायालयाने १० वर्षांचा सश्रम कारावास व ५ हजार रुपयांची दंडाची शिक्षा सुनावली आहे. तौशिफ हबीब शेख रा.जवाहर वॉर्ड, देसाईगंज, असे दोषी इसमाचे नाव आहे.

तौशिफ शेखचा पीडित मुलीच्या घरापुढे पानठेला होता. १ जानेवारी २०१५ ते ३१ जुलै २०१५ या कालावधीत तौशिफ शेख याने पीडित मुलीला लग्नाचे आमिष दाखवून तिचे वेगवेगळ्या ठिकाणी लैंगिक शोषण केले. यामुळे मुलगी गर्भवती राहिली. त्यानंतर तौशिफने तिला गर्भपात करण्यास भाग पाडले. या बाबीची पोलिसांत तक्रार केल्यास जीवानिशी ठार करेन, अशी धमकीही त्याने पीडित मुलीला दिली. पुढे तिने पोलिस ठाण्यात तक्रार केल्यानंतर पोलिसांनी आरोपी तौशिफ शेख याच्याविरुद्ध भादंवि कलात३१३ व ५०६ अन्वये गुन्हा दाखल करुन त्यास १७ फेब्रुवारी २०१६ रोजी अटक केली. तपास पूर्ण झाल्यानंतर पोलिसांनी न्यायालयात दोषारोपपत्र दाखल केले.

काल(ता.३०) या प्रकरणाचा निकाल लागला. विशेष सत्र न्यायालयाने पीडितेचे बयाण नोंदवून व सरकारी पक्षाचा युक्तीवाद ग्राह्य मानून आरोपी तौशिफ शेख यास १० वर्षांचा सश्रम कारावास व ५ हजार रुपये दंडाची शिक्षा ठोठावली. सरकारी पक्षातर्फे जिल्हा सरकारी वकील अनिल प्रधान यांनी काम पाहिले.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
584RE
  © 2014 - 2024 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना