गडचिरोली | --°C | --°C |
मृत विद्यार्थी आपल्या अन्य दोन मित्रासह आज दुपारच्या सुमारास सिरोंचापासून दीड किमी अंतरावरील मादाराम नाल्यावर मासे पकडण्यासाठी गेले होते. मासे पकडण्याच्या नादात मोहम्मद व इतियाज या दोघांचा तोल गेल्याने ते नाल्यात पडले. नाल्यात पाणी जास्त असल्याने दोघेही गटांगळ्या खाऊ लागले. या प्रकारामुळे अन्य दोघे घाबरुन गावात आले व त्यांनी घडलेला प्रकार कुटुंबीयांना सांगितला. यामुळे काही नागरिकांनी मादाराम नाल्याकडे धाव घेतली. परंतु नागरिक पोहोचेपर्यंतत्या दोघांचाही पाण्यात बुडून मृत्यू झाला होता. या घटनेमुळे सिरोंचा येथे शोककळा पसरली आहे.