ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली, ता.२०: अल्पवयीन मुलीवर अतिप्रसंग करण्याचा प्रयत्न करणाऱ्या आरोपीस येथील सत्र न्यायालयाने ७ वर्षांचा सश्रम कारावास व ३ हजार रुपये दंडाची शिक्षा ठोठावली आहे. बंडू भदूजी गोडबोले(५०) रा. भेंडाळा, ता.चामोर्शी असे दोषी इसमाचे नाव आहे.

ही घटना १४ मार्च २०१६ ची आहे. या दिवशी पीडित ६ वर्षीय मुलगी खेळत असताना आरोपी बंडू गोडबोले याने तिला घरी बोलावून तिच्यावर अतिप्रसंग करण्याचा प्रयत्न केला. पीडित मुलीच्या ओरडण्याचा आवाज येताच तिचा भाऊ व त्याच्या मित्राने घरी जाऊन पाहिले असता आरोपी बंडू गोडबोले हा तिच्यावर अतिप्रसंग करण्याच्या प्रयत्नात असल्याचे दिसून आले. यावेळी पीडित मुलीचा भाऊ व त्याच्या मित्रास पाहून आरोपी बंडू गोडबोले याने पळ काढला. पीडित मुलीची आई घरी आल्यानंतर तिने व तिच्या भावाने तिला हकीकत सांगितली. त्यानंतर पीडित मुलीच्या आईने दुसऱ्या दिवशी चामोर्शी पोलिस ठाण्यात फिर्याद दाखल केली. त्यावरुन पोलिसांनी बंडू गोडबोलेवर भादंवि कलम ३५४(ब) व बालकांवरील लैंगिक अत्याचार कायद्याच्या कलम ८, १२ अन्वये गुन्हा दाखल करुन त्याला त्याच दिवशी अटक केली. पोलिस उपनिरीक्षक प्रशांत कंडारे यांनी तपास पूर्ण करुन न्यायालयात दोषारोपपत्र दाखल केले.

आज या प्रकरणाचा निकाल लागला. जिल्हा व सत्र न्यायालयाने साक्षदारांचे बयाण नोंदवून, पीडित मुलगी, तिचा भाऊ व त्याच्या मित्राची साक्ष अत्यंत प्रभावीपणे ग्राह्य धरुन व सरकारी पक्षाचा युक्तीवाद मान्य करुन आरोपी बंडू गोडबोले यास ७ वर्षांचा सश्रम कारावास व ३ हजाराचा दंडाची शिक्षा ठोठावली.

सरकारी पक्षातर्फे जिल्हा सरकारी वकील अनिल प्रधान यांनी काम पाहिले. कोर्ट पैरवी अधिकारी म्हणून पोलिस उपनिरीक्षक जयेश खंदरकर यांनी जबाबदारी सांभाळली.