रविवार, 23 सप्टेंबर 2018
लक्षवेधी :
  शिक्षक बदली घोटाळ्याप्रकरणी जिल्हा परिषदेचे माजी सभापती विश्वास भोवते यास अटक, न्यायालयीन कोठडीत रवानगी             कोंबडी चोरुन खाल्ली म्हणून ठार मारण्याचा प्रयत्न करणाऱ्यास ५ वर्षांच्या सश्रम कारावासाची शिक्षा-जिल्हा व सत्र न्यायालयाचा निवाडा             नक्षल्यांनी कमलापूरच्या मुख्य चौकात बांधले बॅनर, परिसरात दहशत             राष्ट्रीय ओबीसी महासंघाने जाळला ११ सप्टेंबरचा ओबीसींवर अन्याय करणारा जीआर             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

मुख्यमंत्र्यांनी केला बामणपेठच्या तलाव खोलीकरणाचा शुभारंभ

Friday, 12th May 2017 02:03:18 PM

 

चामोर्शी, ता.१२: मुख्यमंत्री देवेंद्र फडणवीस यांनी आज कोनसरी येथील लॉयड मेटल्सच्या लोहप्रकल्पाच्या कोनशिलेचे अनावरण केल्यानंतर चामोर्शी तालुक्यातील अतिसंवेदनशिल व जंगलव्याप्त बामणपेठ येथील तलावात हेलिकॉप्टर उतरवून माजी मालगुजारी तलावाच्या खोलीकरणाच्या कामाचा शुभारंभ केला.

यावेळी त्यांच्यासमवेत जिल्हाधिकारी ए.एस.आर. नायक, जिल्हा परिषद सदस्य रूपाली पंदिलवार, सरपंच अनिता अवसरमोल, सामाजिक कार्यकर्ते संजय पंदिलवार, गंगाधर पोटवार, सुशील अवसरमोल उपस्थित होते. मात्र पालकमंत्री, खासदार, आमदार यांच्यापैकी कुणाचेही दर्शन बामणपेठवासीयांना झाले नाही.

यावेळी मार्गदर्शन करताना मुख्यमंत्री फडणवीस यांनी जिल्ह्यात सिंचन सुविधा कमी पडू देणार नाही, अशी ग्वाही दिली. सिंचनासाठी २३०० विहिरी मंजूर करण्यात आल्या असून, त्यांना वीज उपलब्ध करुन दिल्याचा मुख्यमंत्र्यांनी पुनरुच्चार केला. मामा तलावामुळे शेती सिंचनास मोठी मदत होईल, असा विश्वासही त्यांनी व्यक्त केला. मुख्यमंत्र्यांनी मामा तलावाची पाहणी करून योग्य दर्जाचे काम करण्याचे निर्देश अधिकाऱ्यांना दिले. याप्रसंगी एका शाळकरी मुलीस मुख्यमंत्र्यांनी प्रश्न विचारले. मात्र, विद्यार्थिनीने समर्पक उत्तरे न दिल्याने दुर्गम भागातील शिक्षण क्षेत्रातील विदारक स्थिती मुख्यमंत्र्यांच्या लक्षात आली. यावेळी सरपंच अनिता अवसरमोल यांनी मार्कंडा (कं) ग्रामपंचायत दत्तक घेण्याची विनंती करणारे निवेदन मुख्यमंत्र्यांना दिले.

जंगलव्याप्त बामणपेठ येथे सुरक्षेची जबाबदारी सांभाळणारे आष्टी पोलीस ठाण्याचे पोलिस उपनिरीक्षक नीतेश गोहणे यांचे मुख्यमंत्र्यांनी कौतुक केले. 


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
6J451
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना